Mushkil ko mere (Kalaam-e Shaikhe Azam)

Mushkil ko mere taliye mushkil kusha Ali
Chashme karam se dekhiye mushkil kusha Ali

Dushman ke dushmani se pareshaan hoon bahut
Sadqah Hasan ka dijiye mushkil kusha Ali

Anwar aur tajalli se rawshan hai teri jaat
Sab kuch nabi se pagaye mushkil kusha Ali

Chishti ho qadri ho koyi aur silsila
Sab ke imam hogaye mushkil kusha Ali

Kitna yaqeen o ishq tha narge me kufr ke
Hukme nabi se so gaye mushkil kusha Ali

Qurbe khuda ne kardiya kitna buland tar
Har mushkiloon ke ban gaye mushkil kusha Ali

Jodo sakha ki dhoom he darbar me tere
Mangta hoon kuch nawajiye mushkil kusha Ali

Faryaad hai huzur tere bargah me
Mahroomi se nikaliye mushkil kusha Ali

Izhar bhi hai fikr wa alam ke hozom me
Us par nigah kijiye mushkil kusha Ali



★Izhar-E Aqidat★
Shaikhe Azam Hazrat Syed Izhar Ashraf Ashrafi Jilani (Rh.)