Tarapte dil ka koyi intijam ho jaye Lyrics (Kalaam-E Shaikhe Azam)

Tarapte dil ka koyi intijam ho jaye
Dare rasul peh hazir gulam ho jaye

Hamari hasrate didar par ho najre karam
Tumheen se jindegi phir shad kam ho jaye

Marize ishq hoon Majbor hoon parishaan hoon
Nawajishaat ka a'qa madam ho jaye

Pohonch hi jaye gi qismat bhi sarfaraji ko
Agar qabool hamara salaam ho jaye

Mere huzur ka jis par bhi ho gaya hai karam
Tu qalbe wiraan bhi mahe tamam ho jaye

Barooj hashr bhi kiukar rahe gi fikr use
Agar gulame nabi me jo naam ho jaye

Dare rasul peh jiski ho maut kya kehna
Wohi hayaat ka beshak payaam ho jaye

Nabi ke zikr se paata hai qurbate maula
Unhi ka zikr hi husne Kalam ho jaye

Yehi tamanna hai Izhar ki mere a'qa
Tumhari yaad me ha subh o shaam ho jaye



★Izhar-E Aqidat★
Shaikhe Azam Hazrat Syed Izhar Ashraf Ashrafi Jilani (Rh.)